Ölüm tarixini hesablayan kalkulyator hazırlanıb

 03:27 09.07.2021     135

Yaşlı insanların daim dəyişən ehtiyaclarını analiz edən və ömrünün nə vaxt bitəcəyini təxmin edə bilən xüsusi kalkulyator hazırlanıb.

Redaktor.az xəbər verir ki, kanadalı alimlərin bununla bağlı tədqiqatları "Canadian Medical Association Journal"da dərc olunub.

"Əcəl kalkulyatoru"na RESPECT (Dəstək üçün Riskin Qiymətləndirilməsi: Toplumda Yaşlılar üçün Proqnozlar) adı verilib. Bu cihaz təxminən altı ay öncə ölümü proqnozlaşdırır.

Sözügedən kalkulyartor altı il ərzində evdə qulluq xidmətindən istifadə edən 491 min nəfərdə sınaqdan keçirilib.

Tədqiqatçıların fikrincə RESPECT ailələrə və onların yaxınlarına planlaşdırma imkanı verir. Məsələn, uşaqların valideynləri ilə birlikdə vaxt keçirməsi üçün nə vaxt məzuniyyət götürəcəyini planlaşdırmağa kömək edə bilər.

Kanadalı alimlərin fikrincə, qaçılmaz ölüm insanın gündəlik fəaliyyətlərini - gigiyenaya riayət etmək, tualetdən istifadə etmək və gəzmək qabiliyyətinin azalması kimi amillərlə işarə olunur. Xroniki xəstəliklər belə, bu baxımdan o qədər də vacib deyil. //Oxu.az.