Dünyanın ən uzun dilli iti - VİDEO
ABŞ-ın Luiziana ştatından olan it 12,7 sm uzunluğundakı dili ilə Ginnesin Rekordlar Kitabı tərəfindən rəsmən qeydə alınıb.
Redaktor.az xəbər verir ki, baytar "Labrador -Alman Çoban" qarışığı Zoyanın dilini ölçdükdən sonra canlı itdə ən uzun dilə sahib olmaq rekordunu müəyyən edib.
İtin sahibləri Metayri sakinləri Sadi və Dryu Vilyams iti cəmi 6 həftəlik olarkən övladlığa götürdüklərini və onun qeyri-adi dərəcədə uzun dilini demək olar ki, dərhal gördüklərini söyləyiblər.
“Onun bədəni ilə müqayisədə hələ də nəhəng dili var”, - Sadi Vilyams Ginnesin Rekordlar Kitabına bildirib.
Cütlüyün dediyinə görə, Zoya qonşular arasında məşhurdur.
Dryu Vilyams deyir ki, gəzməyə çıxaranda insanlar onun yanına gəlir və sığallamaq istəyirlər.
Tunar Altunbay
Bizi Telegram-da izləyin...
