Təyyarədə qəfəsdən çıxan ayı sərnişinlərə həyacan yaşatdı
Ayı Bağdaddan Dubaya gedən sərnişin təyyarəsində heyvanların daşındığı qəfəsdən qaçıb. Hava limanının işçiləri heyvanı tələyə salmaq üçün baytarlıq qrupunu çağırana qədər o, baqajla kupenin ətrafında dolaşıb.
Redaktor.az "MK"ya istinadla xəbər verir ki, yırtıcının qəfəsdən qaçması təyyarə yerə endikdən sonra məlum olub. Hava limanının əməkdaşları fövqəladə vəziyyət barədə xəbər tutandan sonra sərnişinlərə çıxmağa qadağa qoyulub - qorxmuş səyahətçilər daha bir müddət təyyarədə saxlanılıb.
Aviaşirkət qəfil stresə görə sərnişinlərdən üzr istəyib, lakin əmin edib ki, ayı daşıyıcının günahı olmadan qəfəsdən qaçıb. Hadisənin səbəbləri ilə bağlı araşdırma aparılır.
Xatırladaq ki, heyvanlar, o cümlədən iri heyvanlar xüsusi şərtlərlə daşınmaq üçün qəbul edilir. Çox vaxt daşınma sərnişin bölməsindən təcrid olunmuş baqaj bölməsində həyata keçirilir. Yalnız bir neçə layner baqajı sərnişin bölməsi ilə birbaşa əlaqə saxlayan bölməyə yerləşdirmək imkanına malik idi. İndi aviasiyada baqajın daşınması qaydaları əl yükü istisna olmaqla, baqajı olan sərnişinlərin avialaynerə müstəqil şəkildə keçməsinə icazə vermir.
Turan İSMAYIL
Bizi Telegram-da izləyin...
