Uzun evlilikdən sonra boşanma SƏBƏBLƏRİ
Boşanma üzrə ixtisaslaşmış psixoloqlar və hüquqşünaslar uzun illər evlilikdən sonra bəzi cütlüklərin niyə boşanmaq qərarına gəldiyini izah ediblər.
Redaktor.az bu barədə "lenta.ru"ya istinadən xəbər verir.
Hüquqşünas Caroline Elliottun sözlərinə görə, insanlar uzun evlilikdən sonra qocalıqda boşanırlar, çünki onlar sadəcə olaraq bir-birlərindən bezirlər.
“Heç bir xəyanət yoxdur, sadəcə bir-birindən beziblər. Bəzən boş yuva sindromu olur, yetkin uşaqlar köçüb getdikdə və cütlük nəyin ortaq olduğunu və indi nə danışacaqlarını bilmirlər", - deyə o bildirib.
Psixoloq Miq Bennet onu da əlavə edib ki, diqqətin uşaqların qayğısına və ya karyeraya yönəldilməsi nəticəsində yaranan bir-birinə etinasızlıq yaşlı yaşda boşanmalara səbəb ola bilər.
Vəkil Anurada Kurl da öz növbəsində maddi fikir ayrılıqlarının çox vaxt boşanmalara səbəb olduğuna diqqət çəkib.
“Ailə maddi sıxıntı keçirdikdə, işləyən partnyor işləməyən və ya işsiz tərəfdaşdan iyrənə bilər”, - deyə o, izah edib.
Yusif EYVAZLI
Bizi Telegram-da izləyin...
