"WhatsApp"da stikerlər yaratmaq və redaktə etmək funksiyası OLACAQ

 20:01 09.01.2024     198

“WhatsApp” messencerinin istifadəçiləri stikerlər yaratmağa və redaktə etməyə imkan verən yeni funksiyadan istifadə edə biləcəklər. 

Redaktor.az "lenta.ru"ya istinadən xəbər verir ki, bu barədə WABetaInfo portalı məlumat yayıb.

Mütəxəssislər bildiriblər ki, messencerdə istifadəçilərin tətbiqdə stikerlər yarada biləcəkləri variantı olacaq. Bundan əlavə, istifadəçilər də mövcud şəkilləri redaktə etmək imkanı əldə edəcəklər.

“WhatsApp stikerlərinin yaradılması funksiyası, eləcə də fon silmə aləti istifadəçilərə üçüncü tərəf alətlərindən istifadə etmədən stikerləri cəld yaratmağa və redaktə etməyə imkan verəcək”, - məlumatda qeyd olunub.

Yusif EYVAZLI