Teleaparıcı həmkarının başına təpik vurdu

 11:25 19.01.2024     143

Britaniyalı siyasətçi və ITV kanalının "Good Morning Britain" (GMB) şousunun aparıcısı Ed Balls canlı yayım zamanı həmkarı Suzanna Reidi təsadüfən təpikləyib.

Redaktor.az xarici mediaya istinadən xəbər verir ki, verilişdən bir fraqment X sosial şəbəkəsində yayımlanıb və bir çox izləyiciləri güldürüb.

Verilişdə teleaparıcılar ictimai nəqliyyatda sərnişinlərin bəzən ayaqlarını yuxarı qaldırıb yanlarındakı oturacağın arxasına qoymasının nə dərəcədə məqbul olduğunu müzakirə ediblər. Bu vəziyyəti studiyada canlandırmağa çalışıblar. Lakin Balls ayaqlarını oturacağın arxasına qaldırarkən, ayaqqabısının dabanı ilə ehtiyatsızlıqdan Reidin başına zərbə endirib.

“Düşünürəm ki, bir nəticəyə gəldik... Sən belə otura bilməzsən!” – aparıcı əli ilə başını tutaraq gülümsəyib. Reid zərbənin onun gözlərində ulduzların görünməsinə səbəb olduğunu söyləyib.

Baş verən hadisədən sonra Balls X hesabında yazıb: “Mən hələ də baş verənlərdən tamamilə məyus olmuşam”. O, həmkarından üzr istəyib.

Video 700 minə yaxın baxış toplayıb: "Və əgər Suzanna bir futbolçu olsaydı, o, tərs hərəkət edərdi", "Bunu bəzi qonaqlarla etmək lazımdır", "Hər dəfə bu videoya baxanda gülürəm", "Zavallı Suzanna, bu ağrını artıq hiss edirəm. Amma, Ed, gülməli idi”, - izləyicilər şərhlərdə reaksiya veriblər.

NƏRGİZ