"WhatsApp"da yeni funksiya yaranacaq - Sevimli kontaktlar

 21:33 05.02.2024     226

WhatsApp messencerində yeni funksiya yaranacaq.

Bu barədə Redaktor.az "lenta.ru"ya istinadən xəbər verir.

WhatsApp-dakı yeni funksiya sayəsində sevimli kontaktları seçmək mümkün olacaq. Sevimlilər zənglər bölməsində görünəcək, beləliklə siz bu siyahıdan istifadəçilərə bir toxunuşla zəng edə biləcəksiniz.

Sevimli kontaktların işarələnməsi funksiyası hələ də inkişaf mərhələsindədir. Onun gələcək proqram yeniləməsində mövcud olacağı gözlənilir.

Mütəxəssislər qeyd ediblər ki, seçim nəinki zəng prosesini sadələşdirir, həm də WhatsApp-ın istifadəçi seçimlərinə üstünlük vermək öhdəliyini əks etdirir.

Yusif EYVAZLI