Dünyanın ən kiçik onurğalısı kəşf edildi
Alimlər müəyyən ediblər ki, "Brachycephalus pulex" qurbağası təkcə ən kiçik quyruqsuz amfibiya deyil, həm də dünyanın ən kiçik onurğalısıdır.
Redaktor.az bu barədə"lenta.ru"ya istinadən xəbər verir.
2011-ci ildə kəşf edilən bu amfibiya növü yalnız Braziliyanın Bahia əyalətinin cənub hissəsindəki bir neçə təpədə rast gəlinir. Yeni araşdırmada mütəxəssislər 46 fərd üzərində ölçmə aparıblar və müəyyən ediblər ki, yetkin bir erkək qurbağanın orta uzunluğu yeddi millimetrdən bir qədər çoxdur. Dişilər orta hesabla bir millimetr daha uzundur.
Ən kiçik nümunənin uzunluğu cəmi 6,45 millimetr olub ki, bu da əvvəlki rekordçudan 30 faiz azdır.
Humay İSGƏNDƏRLİ
Bizi Telegram-da izləyin...
