Rusiyada çirkab suların effektiv təmizlənməsi üçün təkmilləşdirmə aparıldı
Rusiya Perm Milli Tədqiqat Politexnik Universitetinin mütəxəssisləri çirkab suların təmizlənməsi üçün istifadə edilən mineral vermikulitin xassələrini təkmilləşdiriblər.
Redaktor.az TASS-a istinadla xəbər verir ki, universitetin mətbuat xidmətindən verilən məlumata görə, ağır metalları udan mikroorqanizmlərin əlavə edilməsi metal ionlarının material tərəfindən udulmasının effektivliyini 20% və ya daha çox artırıb.
Vermikulit laylı quruluşa malikdir, yüksək temperaturda onun həcmi 7-10 dəfə artır. Sənaye mayelərini təmizləyərkən, çirklənmiş suyun vurulduğu xüsusi qablara yüklənir. Tədqiqatın müəllifləri ağır metal ionlarını udan mikroorqanizmlərlə birləşdirərək onun xassələrini yaxşılaşdırıblar.
“Mikroorqanizm hüceyrələrinin vermikulitin səthinə tətbiqi onun udma qabiliyyətini mis istisna olmaqla, əksər metal ionlarına nisbətən 20% və ya daha çox artırır", - Kimya və Biotexnologiya kafedrasının əməkdaşı Olqa Baxireva bildirib.
Müəlliflər hesab edirlər ki, tədqiqatın nəticələri sənaye sahələrində tullantı sularının daha yaxşı təmizlənməsinə və çirkləndiricilərin su obyektlərinə təsirini azaltmağa kömək edəcək. Layihə “Prioritet 2030” strateji akademik liderlik proqramının bir hissəsi kimi həyata keçirilib.
T.İSMAYIL
Bizi Telegram-da izləyin...
