Dünya ölkələrində maraqlı Yeni il adətləri - ARAŞDIRMA

Yeni il dünyanın müxtəlif ölkələrində fərqli tarixlərdə qeyd olunur, çünki bir çox ölkələr özünəməxsus təqvimlərə və ənənələrə malikdir.

Redaktor.az fərqli ölkələrdə yeni il adət və ənənələrini təqdim edir:

Şotlandiyada 31 dekabr gecəsi “Hoqmanay” adlı xüsusi bir bayram keçirir. Bu gün Şotlandiya ailələri öz ənənəvi paltarlarını geyinir, xüsusi yeməklər və desertlər hazırlayırlar. Evə gələn qonaqlar arasında uzun boylu, qara saçlı oğlan ev sahibinə kömür və “qara bulka” adlı meyvəli tort gətirir. Kömürün yeni il üçün şans gətirdiyinə inanılır. Hoqmanayda gecə yarısı evdə hər kəs rəqs edir.

Filippində Yeni il 31 dekabr gecəsi qeyd olunur. İnsanlar bayram üçün müxtəlif ənənələrə riayət edirlər, məsələn, süfrəyə 12 ədəd yuvarlaq meyvə qoyurlar ki, hər biri ilin 12 ayını təmsil edir. Üstəlik, Filippində polka nöqtəli geyimlər geyinilir, çünki bu naxış sikkələri simvollaşdırır və bolluq gətirir. Saat 00:00-da pis ruhları uzaqlaşdırmaq üçün atəşfəşanlıq, tavalar və qab-qacaq döyülməsi kimi səs-küylü ənənələr yerinə yetirilir. Uşaqlar isə daha uzun boylu olmağı ümid edərək gecə yarısında tullanırlar.  

Braziliyada insanlar ağ rəngdə geyinərək və “Lemanja” festivalı ilə Yeni ili qarşılayırlar. Bu festivalda braziliyalılar əllərində bir dəstə ağ çiçəklə okeana axışırlar. Yeni il Braziliyada dövlət bayramıdır, buna görə də məktəblər və əksər müəssisələr bağlanır. Ölkənin cənub yarımkürəsində yerləşməsi Milad bayramının yayın ortasında baş verməsi deməkdir. Braziliyalıların əksəriyyətinin dörd həftəlik ödənişli məzuniyyəti var və bir çoxları yeni ildən dərhal sonra istirahət etməyi seçirlər.

Meksikada Yeni il 31 dekabr gecəsi qeyd olunur. İnsanlar evlərində xüsusi ritualları yerinə yetirirlər. Yeni il gecəsi meksikalılar evlərini müxtəlif rənglərlə boyayırlar. Hər rəng yeni il üçün fərqli bir ümidi simvollaşdırır: Qırmızı sevgi axtaranlar üçün, sarı iş istəyənlər üçün, yaşıl pul gözləyənlər üçün...

Yunanıstanda 31 dekabr gecəsi insanlar qapılarının qarşısında soğan asırlar. Onlar soğanın yenidən doğulmağı simvolizə etdiyinə inanırlar. Bundan əlavə, yunanlar Yeni il ərəfəsində evlərinə ilk girən şəxsin onlara şans gətirəcəyinə inanırlar.

Yaponiyada Yeni il bayramı "şoqatsu" adlanır və yanvarın 1-dən 3-ə qədər qeyd olunur. Yeni il Yaponiya üçün əsas bayramdır və imperatorun dövrü ilə əlaqələndirilən xüsusi təqvimlərə əsaslanır. Yaponiyada yeni ilin gəlişi buddist məbədlərində 108 dəfə zəng çalmaqla qeyd olunur, hər zəng buddizmdə günahı simvollaşdırır. Yaponlar bu yolla bütün günahların bağışlandığını düşünürlər.

İspaniyada 31 dekabr gecəsi Yeni il qeyd olunur. Bu gecə 12-yə 12 dəqiqə qalmış 12 üzüm yemək ənənəsi çox yayılıb. Hər bir üzüm ilin 12 ayını simvollaşdırır və hər dəqiqədə bir gilə üzüm yeyilib bir arzu tutulur.

Kolumbiyada 31 dekabr gecəsi insanlar çanta və çomadan ilə gəzmək ənənəsinə sahibdirlər, bu da gələcəkdə səyahət etmə arzusu ilə əlaqələndirilir.

Boliviyada bəzi insanlar Yeni il üçün özlərini təmizləmək və pis enerjidən qurtulmaq məqsədilə suya başlarını batırırlar. Həmçinin yerli əhali günəşin ilk şüalarını qarşılamaq üçün səhər tezdən La Pazda toplaşır, tonqallar yandırırlar. 

Danimarkada Yeni il gecəsi insanların qapılara boş qablar atması ənənəsi mövcuddur, bu da uğursuzluqlardan qurtulmağı simvollaşdırır.

Cənubi Koreyada Yeni il ənənəvi olaraq 1 yanvar tarixində qeyd olunur. Bayram üç gün davam edir, bir gün əvvəl başlayır və bir gün sonra bitir. Ənənəvi olaraq, Koreyanın hər yerindən ailələr həm əcdadlarına, həm də böyüklərinə ehtiramlarını bildirmək üçün ən yaşlı kişi qohumlarının evinə toplaşırlar. Festivalda əsas diqqət əcdadlara sitayiş ritualına yönəlib, lakin birlikdə yemək yemək, oyun oynamaq, uşaqların və tələbələrin böyüklərə baş əyərək kiçik pul hədiyyələri alırlar.

Estoniyada da Yeni il 31 dekabr gecəsi qeyd olunur. Burada insanlar gündəlik yeməklərin sayını yeddi, doqquz və ya on ikiyə çatdırırlar. Bununla da estonlar düşünürlər ki, nə qədər çox yeyə bilsələr, gələn il məhsul bir o qədər bol olacaq.  

Sevinc İBRAHİMZADƏ