Alimlərdən diş pastaları ilə bağlı yeni ARAŞDIRMA
Flüorlu diş pastaları faydalı bakteriyaları öldürmür, lakin "pis" olanların fəaliyyətini çətinləşdirir.
Redaktor.az xəbər verir ki, bu barədə "The Conversation"a RCSI (İrlandiyanın Kral Cərrahlar Kolleci) Tibb və Səhiyyə Universitetinin alimləri məlumat verib.
Mütəxəssislər ağız boşluğunun 700-dən çox bakteriya növünə ev sahibliyi edən mikroorqanizmlərin ən sıx məskunlaşdığı mühitlərdən biri olduğunu qeyd ediblər. Bu bakteriyalar dişlərin və diş ətlərinin səthində biofilm şəklində yaşayır - həm faydalı, həm də zərərli ola bilən yapışqan strukturlu mikrob icması (konqlomerat). Mikroorqanizmlər də tüpürcəkdə olur.
Alimlərin fikrincə, diş pastasının əsas funksiyası bakteriyaları birbaşa öldürmək deyil, zərərli mikrobların çoxalmasına şərait yaradan biofilmi parçalamaqdır. Dişlərinizi fırçalamaq mexaniki olaraq dişinizdən və diş ətinizdən bu biofilmi təmizləyir və diş pastasının tərkibindəki aşındırıcı maddələr bu effekti artırır.
Bu baxımdan diş minasını gücləndirən ftorlu diş pastaları təsirli olur. RCSI alimləri qeyd ediblər ki, flüor ağız mikrobiomunu məhv etmir, lakin bu, "Streptococcus mutans" kimi turşu istehsal edən bakteriyaların inkişafını çətinləşdirir. Kariyesin əsas səbəbi "Streptococcus mutans"ın çoxalmasıdır.
Bəzi diş pastalarında triklosan, kalay flüorid və sink birləşmələri kimi antibakterial maddələr var. Bu maddələr zərərli bakteriyalarla mübarizə aparır, lakin onların faydalı mikroorqanizmləri də öldürüb-öldürmədiyi hələ də məlum deyil.
Turan İSMAYIL
Bizi Telegram-da izləyin...
