Divandakı çay ləkələrinə bu üsullarla SON
Təmizliyin əsas qaydalarından biri olan təbii üsullar sayəsində divan üzərində yaranan çay ləkələrini qısa zamanda aradan qaldırmaq mümkündür.
Redaktor.az xəbər verir ki, çay ləkələrini yox edən təbii üsullar bunlardır:
Sirkə və soda: Ayrılıqda da güclü təmizləyici vasitə hesab edilən sirkə və soda birləşdikdə ləkələri daha təsirli şəkildə təmizləyir. Bunun üçün yarım stəkan ağ sirkə və bir çay qaşığı sodanı qarışdırın. Hazırlanan məhlulu ləkənin üzərinə çəkin və nəm bezlə silin.
Limon və duz: Limonun turşusu və duzun aşındırıcı təsiri birlikdə çay ləkələrini tez bir zamanda yox edir. Bunun üçün bir limonu iki yerə bölüb ləkəli yerə dairəvi hərəkətlərlə sürtün. Daha sonra üzərinə bir çimdik duz əlavə edərək yenidən sürtməyə davam edin. 10 dəqiqə gözlədikdən sonra nəm bezlə silin.
Soda: Təkbaşına da güclü təmizləyici hesab edilən sodanı az miqdarda su ilə qarışdıraraq macun halına gətirin. Hazırladığınız qarışımı ləkənin üzərinə çəkin və 15 dəqiqə saxlayın. Daha sonra nəm bezlə silin.
Sirkə və mineral su: Tərkibində natrium bikarbonat olan mineral su da ləkələri təmizləməyə kömək edir. Bunun üçün ləkənin üzərinə bir qədər mineral su tökün və köpüklənməsini gözləyin. Daha sonra az miqdarda ağ sirkə əlavə edərək nəm bezlə silin.
Mütəxəssislər qeyd edir ki, bu üsullardan biri ilə divanlarınızdakı çay ləkələrindən tez və effektiv şəkildə xilas ola bilərsiniz.
Kənan YUSİF
Bizi Telegram-da izləyin...
