Qadın qışqırmağa başladı, təyyarə Türkiyədəki hərbi bazaya ENDİ
200-dən çox sərnişini olan təyyarə isterik qadına görə Türkiyə hərbi bazasına təcili eniş edib.
Redaktor.az xəbər verir ki, bu barədə "Daily Mail" məlumat yayıb.
Belə ki, Britaniyanın "Virgin Atlantic" reysi aprelin 3-də səhər saat 11:40-da Londondan Mumbaya uçub, lakin təyyarə Türkiyə üzərində olarkən sərnişinlərdən biri 30.000 fut yüksəklikdə qışqırmağa başlayıb. Mənbə bildirib ki, vəziyyət o qədər qorxulu olub ki, ekipaj qadının tibbi yardım ala bilməsi üçün yerə enmək qərarına gəlib.
Hava limanı geniş gövdəli sərnişin təyyarələri üçün nəzərdə tutulmasa və əsasən hərbi təyyarələrə xidmət etsə də, pilotlara Diyarbəkirdə eniş icazəsi verilib. "Airbus A350" təyyarəsində texniki problemlər yaranıb və nəticədə 16 saat ərzində Hindistana uçmağa mane olub.
Təyyarədə qalanlar arasında körpələr, şəkər xəstələri və təqaüdçülər, həmçinin 4 aylıq hamilə qadın da olub. Aviaşirkət yaranan narahatlığa görə sərnişinlərdən üzr istəyib.
Turan İSMAYIL
Bizi Telegram-da izləyin...
