Alimlərdən alkoqolla bağlı yeni araşdırma
Montpellier Universitetindən olan fransız alimləri müəyyən ediblər ki, alkoqol asılılığı və diqqət çatışmazlığı hiperaktivlik pozuqluğu (DEHB) olan xəstələrin həyat keyfiyyətinin yalnız alkoqoldan istifadə pozğunluğundan əziyyət çəkənlərə nisbətən daha əhəmiyyətli dərəcədə azalması müşahidə olunur.
Redaktor.az xəbər verir ki, tədqiqat "Journal of Psychiatric Research" (JPR) elmi jurnalında dərc olunub.
Təcrübədə alkoqolizmdən əziyyət çəkən 206 xəstə iştirak edib, onlardan 40-da DEHB diaqnozu qoyulub. Tədqiqat zamanı bütün iştirakçılar yeddi ilə 30 gün arasında spirtdən imtina ediblər. Tədqiqatçılar DEHB simptomları, həyat keyfiyyəti, impulsivlik, emosional tənzimləmə strategiyaları və idrak funksiyası da daxil olmaqla müxtəlif parametrləri qiymətləndirdilər.
Nəticələr ikili diaqnozu olan xəstələrin həyat keyfiyyətinə əhəmiyyətli dərəcədə daha çox təsir etdiyini göstərib. Mənfi təsir xüsusilə impulsiv olan və emosiyaları tənzimləməkdə çətinlik çəkənlərdə özünü göstərib.
Tədqiqat müəllifləri bu tapıntıların klinik təcrübə üçün əhəmiyyətini vurğulayırlar. Onlar DEHB və alkoqol asılılığı olan xəstələrə emosiyaları boğmaq əvəzinə onları tənzimləmək üçün daha təsirli yollar tapmağa kömək edəcək xüsusi terapevtik yanaşmaların hazırlanması zərurətinə işarə edirlər.
Tədqiqat səbəb və nəticəni müəyyən etməsə də, onun nəticələri DEHB olan xəstələrdə spirt asılılığının gedişatını anlamaq üçün vacibdir.
Tədqiqatçılar qeyd edirlər ki, belə xəstələr emosional tənzimləmə ilə bağlı xüsusi çətinliklərini nəzərə alan xüsusi terapevtik yanaşma tələb edə bilər.
Turan İSMAYIL
Bizi Telegram-da izləyin...
