Körpənin qanında kokain və heroin izləri tapıldı
Yunanıstanda qanunsuz narkotik alveri ilə məşğul olan ər-arvadın 4 aylıq körpəsinin qanında narkotik aşkarlanıb.
Redaktor.az xəbər verir ki, bu barədə tempo24.news məlumat yayıb.
Onların mənzilində bir kiloqramdan artıq heroin, beş qramdan artıq kokain, tərəzi və narkotiklərin kiçik hissələrə bölünməsinə imkan verən digər alətlər aşkar edildikdən sonra uşağın valideynləri həbs edilib.
Cütlüyün övladı xəstəxanaya aparılıb və orada tibbi müayinədən keçirilib. Mütəxəssislər körpənin narkotik aludəçisi olduğunu aşkar ediblər. Bunun onu əmizdirən ananın qeyri-qanuni maddələrdən istifadə etdiyi üçün ortaya çıxdığı güman edilir. Oğlanın qanında heroin və kokain izləri aşkar edilib.
Bu arada valideynlərə qarşı iş açılıb. Onların Yunanıstana başqa ölkədən gəldikləri və həbs olunarkən ölkədə qeyri-qanuni olduqları məlum olub. Onların hansı ölkədən gəldiyi dəqiqləşdirilməyib.
Turan İSMAYIL
Bizi Telegram-da izləyin...
