63 yaşında "TikTok" fenomeni oldu - sərvəti milyonlarla ÖLÇÜLÜR
Pandemiya dövründə sadə yemək videoları çəkməklə "TikTok"da fəaliyyətə başlayan Lynn Yamada Davis, 63 yaşında "Lynja" adı ilə sosial media fenomeninə çevrildi.
Redaktor.az xəbər verir ki, onun “Cooking with Lynja” layihəsi qısa müddətdə qlobal auditoriyaya çataraq təkcə izlənmə deyil, milyon dollarlıq gəlir qazanan rəqəmsal brendə çevrildi.
Lynja-nın əsas uğuru sadə və əyləncəli reseptləri vizual və yumorlu üslubla təqdim etməsindədir. Bu videolar sayəsində o:
"TikTok"da 22 milyon izləyici,
"YouTube"da isə 14 milyon abunəçi toplayıb.
Lynja-nın sosial media platformalarında yaratdığı bu geniş auditoriya, onun üçün müxtəlif gəlir modelləri formalaşdırıb:
Reklam gəlirləri – "YouTube" videolarından əldə edilən aylıq gəlir 48 000–66 000 ABŞ dolları (təqribən 82 000–112 000 manat) civarındadır. Bu, onun videolarının baxış sayından və reklam inteqrasiyalarından irəli gəlir.
Sponsorluq və əməkdaşlıqlar – "TikTok" və "Instagram" üzərindən qida brendləri, mətbəx avadanlıqları və digər məhsullarla əməkdaşlıq edən Lynja, buradan minlərlə dollar dəyərində müqavilələr əldə edir. Mütəxəssislərin hesablamalarına görə, bu əməkdaşlıqların illik dəyəri 7–9 milyon dollar (təqribən 12–15 milyon manat) arasında dəyişir.
Brend dəyəri və sərvəti – "Net Worth Spot" və digər kommersiya analizlərinə əsasən, Lynja-nın ümumi sərvəti hazırda 8–11.4 milyon dollar (təxminən 13.6–19.4 milyon manat) civarındadır.
Qeyd edək ki, Lynn Yamada Davis 1 yanvar 2024-cü ildə, 67 yaşında qida borusu xərçəngindən vəfat edib (valyuta.az).
Bizi Telegram-da izləyin...
