İnsanların özünü yaşlı hiss etməsi sağlamlıq siqnalı ola BİLƏR
Yeni araşdırma göstərib ki, insanın öz yaşından daha yaşlı hiss etməsi yuxu keyfiyyəti ilə bağlı problemlərin göstəricisi ola bilər.
Redaktor.az xəbər verir ki, tədqiqatın nəticələri “Sleep” elmi jurnalında dərc olunub.
Araşdırmada 3 mindən çox yetkin şəxsin məlumatları təhlil edilib. Alimlər iştirakçıların özlərini neçə yaşında hiss etdiklərini, yuxu keyfiyyətini və gündəlik fəaliyyət göstəricilərini müqayisə ediblər.
Nəticələrə əsasən, özünü daha yaşlı hiss edən insanlar arasında yuxusuzluq əlamətləri, nizamsız yuxu, gün ərzində yorğunluq və fiziki sağlamlıqla bağlı şikayətlər daha çox müşahidə olunub.
Mütəxəssislər bildirirlər ki, xroniki yuxu çatışmazlığı insanlarda diqqət azalması, enerji itkisi və motivasiya problemləri yarada bilər. Bununla belə, araşdırmanın müşahidə xarakterli olduğu və birbaşa səbəb-nəticə əlaqəsini tam sübut etmədiyi qeyd olunur.
Xədicə BAXIŞLI
Bizi Telegram-da izləyin...
