Alimlər Yerin nüvəsinin davranışında dəyişikliklər müşahidə ETDİLƏR
Beynəlxalq tədqiqatçılar Yerin daxili nüvəsində son illərdə müşahidə olunan dəyişikliklərlə bağlı yeni məlumatlar açıqlayıblar.
Redaktor.az "Nature Geoscience" jurnalında dərc olunan araşdırmaya istinadən xəbər verilir ki, alimlər Yerin daxili nüvəsinin fırlanma sürətində və strukturunda əvvəllər müşahidə edilməyən dəyişikliklər qeydə alıblar.
Tədqiqatçılar seysmik dalğaların analizi nəticəsində nüvənin hərəkət dinamikasında dövri dəyişikliklərin ola biləcəyini müəyyən ediblər. Bu dəyişikliklərin Yer maqnit sahəsi və geoloji proseslərə təsir göstərə biləcəyi ehtimal olunur.
Alimlərin sözlərinə görə, bu proseslər çox yavaş baş verir və insan həyatı üçün birbaşa təhlükə yaratmır, lakin planetin daxili quruluşunun daha yaxşı anlaşılması üçün mühüm əhəmiyyət daşıyır.
Mütəxəssislər araşdırmaların davam etdirildiyini və gələcəkdə daha dəqiq nəticələrin əldə olunacağını bildiriblər.
Xədicə BAXIŞLI
Bizi Telegram-da izləyin...
