Çinli alimlərdən uğur - Meymunlara insan beynindən gen köçürüldü

 22:30 15.04.2019     577
Çinli elm adamları ilk dəfə gen dəyişdirmə üsulundan istifadə edərək meymunlara insan beyni genləri köçürüb.
 
Aparılan ilkin təcrübələrdə gen dəyişikliyinə məruz qalan meymunların daha ağıllı olduğu və yaddaşlarının inkişaf etdiyi müəyyən edilib.
 
Redaktor.az Moderator.az-a istinadən xəbər verir ki, çinli elm adamları meymunlarda olan insanlara xas "MCPH1" genini dəyişdirib. Araşdırmanın sonunda meymunların beyinlərinin inkişaf etdiyi və eynilə insanlara bənzər yaddaş siqnallarına sahib olduqları müşahidə edilib. Bundan başqa, sözügedən meymunların qısa müddətli yaddaşlarının normal növlərə görə inkişaf etdiyi məlum olub.
 
Araşdırma qrupu "MCPH1" genini dəyişdirərək cəmi 11 meymuna köçürüb və həmin meymunları bəzi xəstəliklər üçün aparılan tədqiqatlarda istifadə edəcəkləri söyləyiblər.