Kirayə götürdükləri evi qazmağa başladılar - İNANILMAZ hadisə baş verdi - FOTOLAR
Türkiyənin Kayseri şəhərindəki mənzildə axtarışlar aparan polis qəribə mənzərə ilə üzləşib.
Redaktor.az xəbər verir ki, 2 nəfər kirayə götürdükləri evin içində tunel qazıblar. Onlar tunel vasitəsiylə tarixi abidəyə çataraq, Ərətna bəyliyi sultanlarına aid məzarları üzə çıxarmaq niyyətində olublar. Şübhəlilər bu qazıntını qızıl-zinət əşyaları əldə etmək üçün həyata keçirdiklərini bildiriblər.
Ərazidə qızıl-zinət əşyalarının olduğu barədə iddiaları əsassız adlandıran polislər, 2 aydır şübhəliləri izlədiklərini bildiriblər.
Qeyd edək ki,1 il əvvəl həmin məhəllədə 3 nəfər oxşar qazıntı işləri həyata keçirdikləri üçün həbs olunublar.
Anar Türkeş / Redaktor.az