Türkiyə əsgərlərinin Azərbaycana gələcəyi vaxt... - POLKOVNİK AÇIQLADI
"Türkiyə Ordusunun Azərbaycana gəlməsi ilə bağlı narahatlığa heç bir əsas yoxdur. Çünki qardaş ölkənin hərbiçilərinin Qarbağa gəlməsi üçün hüquq baza mövcuddur".
Bu sözləri Redaktor.az-a hərbi ekspert Şair Ramaldanov deyib. O bildirib ki, qısa zamanda hərbiçilərin Azərbaycana gəlməsi təmin ediləcək:
“Hələlik vaxt dəqiq açıqlanmır. Amma əsas odur ki, onların Dağlıq Qarabağ və ətraf rayonlara gəlməsi ilə bağlı hüququ baza mövcuddur və bundan istənilən vaxt faydalana bilərik. Bu, sabah, bir həftə sonra da ola bilər. Konkret vaxt iki dövlət – Azərbaycan və Türkiyə arasında olan müzakirələr əsasında təyin ediləcək. Rusiya tərəfi də açıqlama yayıb və bildirib ki, Qarabağa hansısa ölkənin ordusunun gəlməsi Azərbaycanın daxili işidir və istədiyi ölkəni dəvət edə bilər. Bu baxımdan, burada bir poblem yoxdur. Gec-tez bu məsələ həll olunacaq və Türkiyə əsgərləri Azərbaycan ərazisinə daxil olacaq”.
Hərbi ekspert bildirib ki,Türkiyə hərbiçiləri heyət şəkilində gələcək və onları ərazidə yerləşdirmək lazımdır:
"Bildiyiniz kimi, azad olunan ərazilərdə minadan təmizləmə əməliyyatları davam edir. Onlar hərbiçi olsalar da, Azərbaycan ərazisində təhlüksizlikləri təmin edilməlidir. Yəni, bütün məsələ Türkiyə hərbiçilərinin gəlişi ilə həll edilmir. Onların gəlişindən əvvəl müəyyən hazırılıqlar aparılır. Bu hazırıqlar olmalıdır ki, onlar öz missiyalarını təhlükəsiz bir şəkildə yerinə yetirə bilsinlər. Həmçinin, pandemiya ilə bağlı yaranan məsələləri nəzərə almaq laızmdır. Bu baxımda, düşünürəm ki, tələsmək lazım deyil, zamanla bütün məsələlər öz həllini tapacaq”.
Mahir Xəttab \ Redaktor.az
Bizi Telegram-da izləyin...
