Əsir düşən erməni terrorçunun KİMLİYİ BİLİNDİ - VİDEO
Hadrutun Köhnə Tağlar kəndindəki əməliyyat zamanı əsir alınmış silahlı terrorçulardan birinin kimliyi bəlli oldu.
Redaktor.az-ın məlumatına görə, o, Ermənistanın Eçmiədzin rayonundan hərbi xidmətə çağırılaraq Qarabağa göndərilmiş 18 yaşlı Albert Qriqoryeviç Qriqoryandır. Valideynləri videonu görən kimi onu tanıyıblar.
O, Cəbrayılda olub, sonra Hadruta yollayıblar. Onunla əlaqə oktyabrın 15-də kəsilibmiş. Köhnə Tağlar kəndində keçirilən anti-terror əməliyyatı zamanı silahlı müqavimət göstərən və əsgərlərimizə F-1 əl qumbarası da atan A.Qriqoryan yaralı vəziyyətdə əsir düşüb.
Xatırladaq ki, Azərbaycan, Rusiya prezidentlərinin və Ermənistan Baş nazirinin noyabrın 10-da imzaladıqları üçtərəfli bəyanata əsasən atəşkəsin elan olunmasından sonra Xocavənd rayonunun Hadrut qəsəbəsinin şimal-qərb hissəsində meşəlik ərazidə bəzi erməni silahlı birləşmələri qalmışdı.
Bizi Telegram-da izləyin...
