Azərbaycan Ordusunun yeni hədəfləri açıqlandı - POLKOVNİK
"2020-ci il nəinki Azərbaycan, bütün türk tarixində önəmli yer tutub. Geridə qoyduğumuz il böyük tədqiqatlara səbəb olacaq. Azərbaycan Silahlı Qüvvələri yeni texnikalar əldə etməklə, daha da müasirləşəcək".
Redaktor.az xəbər verir ki, bu sözləri hərbi ekspert, ehtiyatda olan palkovnik Şair Ramaldanov deyib. O bildirib ki, Azərbaycan Ordusu müasir ordudur və bunu Vətən müharibəsi də göstərdi:
"Ordumuz bundan sonra döyüş təcrübəsindən irəli gələn inkişafa qədəm qoyacaq. Yeni silahların alınması, prioritet istiqamətlərdə inkişaf, hərbi sənayenin təkmilləşdirilməsi əsas sahələrdən olacaq. Artıq məlumdur ki, Azərbaycan bölgədə birincilik qazanıb. Lakin bizim hədəfimiz elə bir Silahlı Qüvvələr yaratmaqdır ki, heç kimin gözü bizim torpaqlarda olmasın.
Döyüşdə istifadə olunan, onun nəticəsində qələbəyə nail olduğumuz silahların təkmilləşdirilməsi işləri planlaşdırılır. Artıq prioritet silahlardan biri pilotsuz uçuş aparatlarıdır. Bununla bağlı Türkiyənin hərbi sənayesi ilə müəyyən sazişlər var. Daha məqsədyönlü, daha müasir PUA-ların istehsalı olacaq. Həmçinin, başqa silahların da təkmilləşdirilməsi prosesi olacaq".
Şəfəq Samed \ Redaktor.az
Bizi Telegram-da izləyin...
