Ordumuzun nəzarətə götürdüyü yolla Qarabağa silah daşınırdı...
Xəbər verdiyimiz kimi, bu gün Azərbaycan Müdafiə Nazirliyi bir neçə hakim yüksəkliyin ordumuzun nəzarətinə keçdiyini açıqlayıb.
Məlumatda qeyd olunur ki, yeni Laçın yolunun istifadəyə verilməsi ilə əlaqədar Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yollar, eləcə də sərhədboyu geniş sahələr nəzarətə götürülüb.
Redaktor.az xəbər verir ki, hərbi ekspert Ədalət Verdiyev özünün feysbuk hesabında bu yolun istifadəyə verilməsi ilə ordumuzun Gorus-Laçın rayonu istiqamətindəki sərhədimizi tam nəzarətə götürdüyünü açıqlayıb.
“Ermənistandan Qarabağa qanunsuz silah, sursat, heyət və minaların daşınmasını məhdudlaşdırmaq məqsədilə qəhrəman ordumuz Gorus-Laçın rayonu istiqamətindəki sərhədimizi tam nəzarətə götürdü.
Yaxında Nəzarət Buraxılış Məntəqəsinin yerləşdirilməsini gözləyirəm”, - deyə o, yazıb.
T.İSMAYIL
Bizi Telegram-da izləyin...
