Azərbaycanın ilk Sərhəd Qoşunları komandanı vəfat ETDİ
Müstəqil Azərbaycan Respublikasının Sərhəd Qoşunlarının ilk komandanı İsgəndər İmanverdi oğlu Allahverdiyev vəfat edib.
Redaktor.az xatırladır ki, İsgəndər Allahverdiyev 11 fevral 1947-ci ildə Bakı şəhərində anadan olub.
O, Azərbaycan dövlət sərhədinin mühafizəsi sisteminin formalaşmasında xüsusi xidmətləri olan zabitlərdən biri kimi tanınırdı.
İsgəndər Allahverdiyev 1991–1992-ci illərdə Azərbaycan Respublikası Dövlət Sərhədini Mühafizə Komitəsinin sədri vəzifəsində çalışıb. 1992-ci ildə general-mayor ali hərbi rütbəsinə layiq görülüb.
İsgəndər Allahverdiyev 1992-ci ildən Azərbaycan Respublikası milli təhlükəsizlik nazirinin müavini və Azərbaycan Sərhəd Qoşunlarının ilk komandanı kimi fəaliyyət göstərib.
Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov İsgəndər Allahverdiyevin vəfatından kədərləndiyini bildirib, veteranlar adından mərhumun yaxınlarına dərin hüznlə başsağlığı verib.
Allah rəhmət eləsin!
Bizi Telegram-da izləyin...
