Mövqelərimiz minaatanlardan atəşə tutulmayıb? - MN AÇIQLADI / FOTOLAR
Düşmən, qoşunların təmas xəttində növbəti dəfə vəziyyəti gərginləşdirmək məqsədilə törətdiyi təxribatları ört-basdır etməyə çalışır.
Müdafiə Nazirliyindən Redaktor.az-ın Ermənistan silahlı qüvvələrinin bölmələri tərəfindən mövqelərimizin minaatanlardan atəşə tutulması ilə bağlı sorğusuna cavab olaraq bildirilib ki, düşmən özünəməxsus şəkildə yalan və iftiralarla dolu bəyanatla çıxış edərək faktı təkzib etməyə cəhd göstərir:
“12 iyun tarixində düşmən tərəfindən atəşkəs rejiminin kobud şəkildə pozulması və mövqelərimizin 60 mm minaatanlardan atəşə tutulması barədə tərəfimizdən rəsmi məlumat verilib. Düşmən qoşunların təmas xəttində növbəti dəfə vəziyyəti gərginləşdirmək məqsədilə törətdiyi təxribatları ört-basdır etmək üçün özünəməxsus şəkildə yalan və iftiralarla dolu bəyanatla çıxış edərək faktı təkzib etməyə cəhd göstərib”.
Düşmən tərəfindən bölmələrimizin minaatanlardan atəşə tutulması faktını təsdiq edən fotoları təqdim edirik:
Firuzə Vahid / REDAKTOR.AZ
Bizi Telegram-da izləyin...
