MİLLƏT VƏKİLİ: Brifinqdə çıxış edənləri kim tanıyır? - İnsanlar virusa inanmır...

 12:17 24.06.2020     774

"Koronavirusla bağlı məlumatlandırma və marifləndirmə işləri yenilənməlidir. Keçirilən brifinqlərə insanların inandığı həkimlər, populiyar şəxslər cəlb olunmalıdır ki, onlar insanlara koronavirusun ciddiliyini bildirsin".

Bu sözləri Redaktor.az-a millət vəkili Razi Nurullayev deyib. O bildirib  ki, bir çox insanlar brifinqdə çıxış edənləri tanımır:

“TƏBİB-in və Operativ Qərargahın əməyini yüksək qiymətləndirirəm. Amma onların açıqlaması cəmiyyətdə düzgün qarşılanmır. İnsanlar tövsiyyələrə əməl etmək istəmir. Çünki orada çıxış edənlər cəmiyyətdə tanımır. Düşünürəm ki, tanınmış insanlar çıxış edərsə, insanlar virusun varlığına daha çox inanacaq. Bunu nə qədər tez tətbiq etsək, faydasını da daha tez görərik.

Həmçinin, inzibati yolla insanları qaydalara əməl etməyə məcbur etmək düzgün deyil və nəticə verməyəcək.

Məsələn, deyilir maska taxın, tələblərə əməldin. Amma insanlar maskanı çənəsinə taxır, polisdən yayınmaq üçün müxtəlif yollara əlatır və s.

Bu baxımdan vacib olan məsələ vətəndaşları koronavirusun nə qədər təhlükəli olmasına inandırmaqdır. Çünki yoluxmanın artmasının əsas səbəbi bu virusa inamsızlıqdır".

Millət vəkili xüsusi karantin rejiminin hazırkı önəmindən də bəhs edib:

“Demək olar ki, bütün dünyada xüsusi karantin rejmi tətbiq olunur. Karantin rejiminin tətbiqi hazırda virusun qarşısının alınmasında ən effektiv üsuldur”.

Mahir Ələkbərov / Redaktor.az