Moskva görüşünün gizli hissəsi - ABŞ BÖLGƏYƏ QAYIDIR

 09:55 13.01.2021     684

"Moskva görüşündə müzakirə olunan məsələlərin sayı çoxdur. Lakin ictimaiyyətə yaxın gələcəkdə mümkün olan iqtisadi əməkdaşlıq barəsində fikirlər açıqlandı. Bunun işarəsini Nikol Paşinyanın çıxışında görmək olar".

Redaktor.az xəbər verir ki, bu sözləri politoloq Tofiq Zülfüqarov deyib. O bildirib ki, Ermənistan özünü elə göstərmək istəyir ki, guya bu münaqişə və status məsələsi hələ həll olunmalıdır:

"Görüşdən bir gün əvvəl Makronun Putinə zəng etməsi də məhz bu məsələ ilə bağlı idi. Fransa  çalışır ki, burada iştirak etsin. ABŞ-ın da bu məsələyə cəlb olunması istisna hall deyil. Lakin onları bu prosesə buraxmayanlar Türkiyə və Rusiyadır. Hər iki dövlət arasında olan münasibətlər Minsk Qrupu kənarda saxlayır. Bu da N.Paşinyanı qane etmir.

Hazırda aktual məsələ isə odur ki, Qarabağ bölgəsində qalan erməni hərbi qullluqçularının böyük hissəsi əsir düşüblər. Bu proses öz məntiqi nəticəsinə gəlməlidir və oradakı erməni hərbçilərin hamısı bizim ərazilərimizi tərk etməlidir. Ermənistan ərazilərimizə sadəcə bir qonşu kimi və yalnız bizim icazəmizlə daxil ola bilər".

Şəfəq Samed \ Redaktor.az