SON DƏQİQƏ: Azərbaycan Ordusu irəliləyir - AĞDƏRƏ istiqamətində...

 15:36 28.04.2021     1382

Azərbaycan Ordusu ötən gün Ağdərə istiqamətində yenidən irəliləyib.

Redaktor.az xəbər verir ki, bu barədə “Sputnik Ermənistan” saytı məlumat yayıb.

Bölgənin “rəhbəri” Hayk Baxşiyan bildirib ki, Azərbaycan hərbçiləri iki gün əvvəl irəlilədikləri mövqeləri tutublar və Nor Qazançı (Sırxavənd) kəndi istiqamətində yenidən irəliləyiblər.

Hazırda ordumuzun kənddən 500 metr məsafədə yerləşdiyi bildirilir. Əvvəl bu mövqe 1,5 kilometr məsafədə idi.

Bu mövzu ilə əlaqədar siyasi ekspert Asif Nərimanlı Redaktor.az-a açıqlamasında maraqlı məqamalara toxunub:

“Ordumuzun Ağdərə istiqamətində irəliləməsinin üç səbəbi ola bilər.

1. Mümkündür ki, Sırxavənd kəndi istiqamətindəki postlarda sülhməramlılar olmayıb və Azərbaycan Ordusu mövqelərini irəli çəkib.

2. Son proseslər fonunda bu addım erməni qoşunlarının çıxarılması bəndini hələ də yerinə yetirməyən Rusiyaya xəbərdarlıq ola bilər. Azərbaycan razılaşma yerinə yetirilməsə, irəliləyəcəyinin mesajını verir.

3. Razılaşma bəndlərinin (xüsusilə 4-cü bənd) tam yerinə yetirilməsi prosesini tezləşdirmək və istəklərimizi qəbul etdirmək məqsədilə kiçikçaplı anti-terror əməliyyatı istisna deyil. Yeni mövqelər məhz əməliyyat şəraitinin optimallaşdırılması üçün lazımlıdır”-deyərək A.Nərimanlı fikirlərini bildirib".

Aysel Hacıyeva / Redaktor.az