"İrançı qüvvələr Azərbaycanda bütün sahələrə sızıblar" - Deputatdan ŞOK AÇIQLAMA

 18:01 26.09.2021     1914

"Artıq tapşırıq aldılar. Total hücuma keçiblər. İrançı-erməniçi şəbəkəni deyirəm. Daşnaksyutun, Hüseyniyyun, Əhli-Beyt, Baba Pünhan kimi adların arxasından şəxsimə qarşı ən ləyaqətsiz formalarda təhqirlər yağdırırlar".

Redaktor.az xəbər verir ki, bunu Milli Məclisin deputatı Fazil Mustafa özünün feysbuk hesabında yazıb.

"Təsəllimiz odur ki, söylədiyimiz birbaşa hədəfə dəyir. Özləri başlayırlar, sonra bir qisim savadsız turançıları, səfəviçiləri, cibheyi-xəlqi, söyüş müxalifətini də işə qoşurlar. Ancaq yenə də rahatsız edəcəyəm sizləri - gözlərini QUM örtmüş Vətən xainləri! Bu da bizim səngərimizdir, bu da bizim Vətən sərhəddimizdir. Ölkəmiz üzərinə ideoloji basqıya biganə yanaşmaq xarakterimizə ziddir. Ancaq qüvvələrini, şəbəkələrini hər yerə yerləşdiriblər. Vaxtilə komitə sədri, nazir müavini, səfir səviyyəsində kadrları vardı. Təhsil, təhlükəsizlik, hüquq-mühafizə, diplomatiya, dini birliklər, səhiyyə, dövlət orqanları - kəsəsi bütün sahələrə sızıblar, bütün sahələrdə himayəçiləri var. Və bizlər də bu Vətənin, bu millətin himayəsindən çıxıb hər birimiz onun ayrıca qoruyucusuna, müdafiəçisinə, hücumçusuna çevrilmədikcə ayrı-ayrılıqda sıradan çıxarmağa, nüfuzdan salmağa çalışacaqlar. Bu məsələdə bütün sağlam düşüncəli və məsuliyyətli azərbaycanlının birlikdəliyi çox vacibdir", - deyə deputat bildirib.