İranın Azərbaycandakı səfirliyi: “SEPAH adından yayılan video təxribatdır” - YENİLƏNİB
“Yayılan videonu gördük. Biz bu məsələni araşdırdıq. SEPAH-ın rəsmi saytında belə bir şeyi görə bilməzsiniz”.
Redaktor.az xəbər verir ki, bu fikirləri Bizim.Media-ya İran İslam Respublikasının Azərbaycandakı səfirliyinin sözçüsü Əli Musəvi deyib.
İran İslam İnqilabı Keşikçiləri Korpusunun (SEPAH) təbliğat xarakterli sonuncu videosunda təbliğatdan daha çox, təxribat mesajları öz əksini tapıb.
Videoda Azərbaycan və Türkiyəyə qarşı təhdid dolu aqressiya, Ermənistana isə dəstək yüklü açıq mesaj xarakteri daşıyan məqamlar yer alıb.
Əli Musəvi SEPAH-ın Azərbaycandakı attaşesi kimi fəaliyyət göstərən hərbçinin də yayılan görüntülərin rəsmi mövqe olmadığını qeyd edib.
“Bizim buradakı hərbi attaşemiz SEPAH-dandır. Ondan soruşduq, o da baxdı, SEPAH-ın belə bir saytı (“Twitter” hesabı) yoxdur. Bizim Azərbaycanla münasibətlərimiz yaxşıdır və yaxşıya doğru da gedir. Amma ki, hər zaman belə şeylər çıxır, təəssüf”, - deyə Ə.Musəvi əlavə edib.
***
İran İnqilabı Keşikçiləri Korpusu (SEPAH) bir video yayaraq Azərbaycanı birbaşa hədələyib.
Redaktor.az xəbər verir ki, SEPAH mediada bu gün video yayıb. Həmin videonun əvvəlində İran şir (fars millətçiliyinin simvolu), Azərbaycanı isə “çaqqal” (qurd metaforası) ilə təhqiramiz şəkildə təmsil olunur.
Daha sonra hədlərini aşaraq Türkiyə və Azərbaycanı silahlarla məhv edib, can və qan, din qardaşları Ermənistanın qoruyub saxlamaq xülyasını qururlar.
Ermənistanın sərhədlərinin toxunulmazlığını vurğulayıb, Azərbaycan və Türkiyəni açıq təhdid edirlər (konkret.az).
Daha ətraflı videoda:
Bizi Telegram-da izləyin...
