"Ermənistan Azərbaycana qarşı ən müxtəlif iddialardan geri çəkilməyə məcbur edilib" - Deputat
"May ayının 27-də Zəngilana səfəri zamanı Azərbaycan Prezidenti İlham Əliyev işğaldan azad edilmiş ərazilərimizdə həyata keçirilən böyük quruculuq işlərindən danışaraq bu sırada Ağalı kəndində “Ağıllı kənd” layihəsinin açılşında bir sıra mühüm məsələlərə kompleks şəkildə toxundu. Hər şeydən öncə Azərbaycan Xalq Cümhuriyyətinin yaranması ilə başlayan Müstəqillik Günü ilə bağlı fikirlərini bildirərək onu hazırki reallıqlarla əlaqələndirdi. Qeyd etdi ki, əsl müstəqillik odur ki, məhz müstəqil siyasət apara biləsən. Azərbaycan isə özünün əsl müstəqilliyinə yalnız xalqın istəyi ilə böyük dövlət xadimi Heydər Əlliyev hakimiyyətə gəldikdən sonra qovuşdu. Doğurdan da əldə etdiyimiz tarixi zəfərin qiymətləndirilməsi zamanı keçdiyimiz yola baxarkən bir daha qəti əmin omaq olur ki, bu tarixi zəfərə yalnız müstəqil siyasət həyata keçirməklə nail olmaq mümkün ola bilərdi”.
Bu fikirləri Redaktor.az-a Milli Məclisin deputatı Hikmət Babaoğlu Prezident İlham Əliyevin Zəngilanın Ağalı kəndinin açılışında iştirakı və orada verdiyi mühüm açıqlamaları şərh edərkən deyib.
Millət vəkili vurğulayıb ki, Azərbaycan öz müstəqil siyasətinin nəticəsini bütün dünyaya göstərdi:
“Tarixi təcrübə və siyasi keçmişimizdə elə acı nümunələr var ki, onlar məhz müstəqil milli siyasi iradənin nümayiş etdirilə bilməməsi səbəbindən başımıza gəlib. 1918-ci ildə tarixi torpaqlarımız olan Qərbi Azərbaycanın, İrəvanın, 1920-ci ildə Qərbi Zəngəzurun Ermənistana verilməsi hər nə qədər tarixi proseslərlə bağlı idisə, bir o qədər də həmin şərtlər içərisində müstəqil siyasətin olmaması ilə bağlı idi. Hazırda Azərbaycan öz ərazi bütövlüyünü bərpa edib, azad edilmiş torpaqlarımıza böyük qayıdış başlayıb. 10 min kvadrat kilometrdən çox ərazi nəhəng tikinti, yol nəqliyyat və enerji kommunikasiyası meydançasına çevirilib”.
Hikmət Babaoğlu qeyd etdi ki, prezidentin Zəngilandan verdiyi mesajlar da bu siyasətin nəticəsidir:
“Azərbaycanın irəli sürdüyü 5 baza prinsipi əsasında regionumuzun sülh gündəmi müəyyən edilib, Qərbi Zəngəzur dəhlizinin açılması ilə bağlı razılıq əldə ounub, Şuşa regionun və türk dünyasının mədəniyyət mərkəzlərindən birinə çevirilməkdədir. Bütün azad edilmiş şəhər və rayonlarımıza yollar çəkilir. Ermənistan mövcud olduğu tarixdən bu günə qədər heç vaxt yaşamadığı məğlubiyyətə məhkum edilib. Azərbaycana qarşı ən müxtəlif iddialardan geri çəkilməyə məcbur edilib. Bütün bunların isə hərbi-siyasi və diplomatik memarı müzəffər ali baş komandanımız İlham Əliyevdir. Zəngilandan verilən məsajlar da məhz yaradılmış bu reallığın verdiyi imkanlara söykənərək verilirdi. Tarixi həqiqətə, beynəlxalq hüquqa və nəhayət ədalətə istinad edilərək verilirdi”.
Zərif Ülviqızı
Bizi Telegram-da izləyin...
