“Proseslər o qədər sürətlə dəyişir ki, dünən ağlımıza gəlməyən şeylər..." - Hikmət Hacıyev

 00:18 18.06.2022     135

“Enerji mövzusunda Azərbaycana ikitərəfli əsaslarda çoxlu müraciətlər daxil olmaqdadır. Azərbaycan da etibarlı tərəfdaş olmaqla Avropanın xüsusilə enerji güvənliyinin artırılması üçün əlindən gələn səyləri göstərməkdədir”.

Redaktor.az xəbər verir ki, bunları Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

“Proseslər o qədər sürətlə dəyişir ki, dünən ağlımıza gəlməyən şeylər bu gün dövlətlərarası münasibətlərdə baş verməkdədir. Təəssüf ki, dünyanın enerji mövzusunda da çox böyük problemləri var. Həmçinin burada qida problemləri də yarana bilər”, - Prezidentin köməkçisi vurğulayıb.

Hikmət Hacıyev əlavə edib.ki, yenə miqrasiya problemləri ortaya çıxa bilər:

"Düşünürük ki, bütün bunların fonunda ölkələrin bir araya gələrək, bu məsələləri həll etməsi çox önəmlidir”.