“Bayramovla Mirzoyan yaxın həftələrdə görüşəcək” - Dövlət Departamenti
Azərbaycan və Ermənistan XİN başçıları yaxın həftələrdə yeni görüş barədə razılığa gəliblər.
Redaktor.az “Sputnik Ermənistan”a istinadən xəbər verir ki, bu barədə ABŞ Dövlət Departamentinin nümayəndəsi Ned Prays brifinq zamanı bildirib.
“Xarici işlər nazirləri danışıqları sürətləndirmək, yaxın həftələrdə daha bir görüş təşkil etmək barədə razılığa gəliblər. Hər ikisi nazir iclasının keçirilməsinə görə Amerika tərəfinə təşəkkürünü bildirib”, - Prays deyib.
Qeyd olunur ki, Birləşmiş Ştatlar Cənubi Qafqazda dinc gələcəyin təmin edilməsinə kömək etmək üçün tərəflərlə çox fəal məşğul olur.
Xatırladaq ki, Azərbaycan və Ermənistan XİN başçıları Ceyhun Bayramov və Ararat Mirzoyanın sonuncu görüşü noyabrın 7-də Vaşinqtonda olub.
Həmidə İbrahimova
Bizi Telegram-da izləyin...
