Əməliyyatdan sonra Nazarbayev evə buraxıldı
Qazaxıstanın ilk prezidenti Nursultan Nazarbayev ürək əməliyyatından sonra Astanadakı Milli Tədqiqat Ürək Cərrahiyyə Mərkəzindən evə buraxılıb.
Redaktor.az xəbər verir ki, bu barədə TASS-a yerli həkimlər məlumat veriblər.
"Onun vəziyyəti stabilləşdiyi üçün xəstəxanadan evə buraxılıb",- deyə həkimlər bildirib.
Xatırladaq ki, yanvarın 20-də Nazarbayevin mətbuat katibi Aidos Ukibay Qazaxıstanın birinci prezidentinin ürəyindən əməliyyat olunduğunu və əməliyyatın uğurla keçdiyini bildirib.
82 yaşlı Nazarbayev 1991-2019-cu illərdə Qazaxıstanın ilk prezidenti olub. 2019-cu ilin martında o, prezidentlikdən istefa verib. Kasım-Jomart Tokayev Nazarbayevdən sonra dövlət başçısı olub.
Nərmin VÜQARQIZI
Bizi Telegram-da izləyin...
