TÜRKSOY zəlzələdən zərərçəkənlərə yardım üçün çağırış etdi
Beynəlxalq Türk Mədəniyyəti Təşkilatı (TÜRKSOY) Türkiyənin cənub və cənub-şərq bölgələrində baş verən dağıdıcı zəlzələlərin vurduğu ziyana görə qardaş ölkə ilə ilə güclü həmrəylik nümayiş etdirir.
Redaktor.az xəbər verir ki, bunu "report"a Qazaxıstanın TÜRKSOY-dakı təmsilçisi Bakıtcan Omar bildirib.
O deyib ki, fevralın 7-də TÜRKSOY zəlzələlədən zərərçəkənlərə qan verib, fevralın 8-dən isə 12 könüllü TÜRKSOY-lu tərcümə və koordinasiya işində dəstək olmaq üçün Qaziantepə gəlib:
“Biz buradan Türkiyənin Fövqəladə Halların İdarə Olunması Agentliyinin (AFAD) Qaziantep şöbəsinə gedib, tərcümə, məlumat və digər bu kimi dəstək işləriə AFAD-ın tövsiyə etdiyi yerlərdə fəaliyyət göstərəcəyik”.
Bakıtcan Omar TÜRKSOY-un zəlzələ fəlakəti ilə əlaqədar türk dünyasının mədəniyyət, incəsənət adamları ilə danışıqlar aparıb, onları bir araya gətirib zəlzələdən zərərçəkənlərə maddi yardım edilməsilə bağlı layihə icra edəcəklərini bildirib:
“Hazırda türk dünyası sənətçiləri arasında “Biz birlikdəyik”, “Hamımız qardaşıq” şüarları paylaşılır və türk dünyasının əksər sənətçiləri bu layihəyə məmnuniyyətlə qoşulacaqlarını bildiriblər”.
Bizi Telegram-da izləyin...
