Finlandiya, İsveç və Türkiyə arasında danışıqların tarixi AÇIQLANDI
Türkiyənin xarici işlər naziri Mövlud Çavuşoğlu Finlandiya, İsveç və ölkəsi arasında NATO-ya üzvlüklə bağlı danışıqların tarixini açıqlayıb.
Redaktor.az xəbər verir ki, onun sözlərinə görə, bu dövlətlərin nümayəndələri martın 9-da NATO-nun mənzil-qərargahında görüşəcəklər.
“İki iclas keçirildi, üçüncü görüşü Quran yandırma aksiyasından sonra təxirə saldıq. Üçüncü görüşün Brüsseldə keçirilməsi yaxşı olardı. Görüş martın 9-da keçiriləcək, qoy İsveçin üzərinə götürdüyü öhdəlikləri yerinə yetirmədiyini açıq şəkildə görsünlər”, - deyə Çavuşoğlu Macarıstanın xarici işlər və xarici ticarət naziri Peter Siyarto ilə birgə mətbuat konfransında bəyan edib.
Bizi Telegram-da izləyin...
