"Qarabağ məsələsi iki ölkə arasında razılaşmada heç bir formada ifadə edilməməlidir" - Simonyan
Ermənistanla Azərbaycan arasında mümkün sülh müqaviləsinin bəzi bəndləri üzrə konsensus var.
Redaktor.az “Armenpress”ə istinadla xəbər verir ki, bunu Ermənistan parlamentinin sədri Alen Simonyan bu gün keçirdiyi brifinqdə deyib.
Sülh müqaviləsi ilə bağlı bu yaxınlarda göndərilmiş təkliflərə Azərbaycan tərəfdən cavab olub-olmaması ilə bağlı suala toxunan spiker bildirib ki, hazırda bu barədə məlumatı yoxdur.
Erməni və Azərbaycan tərəfləri arasında konsensusun mövcud olduğu məqamlarla bağlı sualı cavablandıran Simonyan müsbət cavab verib.
O, bunları qeyd etmədən deyib ki, bunlar beynəlxalq səviyyədə tanınmış prinsiplərdir.
Simonyan qırmızı xətləri belə qeyd edib: “Biz Ermənistanın dövlətçiliyi, suverenliyi və ərazi bütövlüyü ilə bağlı sülh müqaviləsinə mina qoya bilmərik”.
Simonyan qeyd edib ki, sülh sazişləri iki ölkə arasındakı münasibətlərə aiddir. Və Qarabağ məsələsi, spikerin fikrincə, iki ölkə arasında razılaşmada heç bir formada ifadə edilməməlidir. Mətn müzakirə olunur.
“Qoy belə bir təəssürat yaratmasın ki, bu razılaşma ilə biz hansısa şəkildə "Artsax"ın maraqlarını qorumaqdan, "Artsax" xalqının hüquqlarını qorumaqdan yayınmağa çalışırıq. Biz başa düşməliyik ki, məsələn, 9 noyabr sənədi bu hüquqların təmin olunmasında bizi qane edir, ya yox? Və Ermənistan-Azərbaycan sülh sazişinə yeni bənd daxil etməklə, məsələn, Azərbaycan Prezidentinin imzaladığı 9 noyabr tarixli sənəddə yer alan bizim və "Artsax" xalqı üçün ən vacib protokolları ləğv edəcəyik? Gəlin, bundan uzaqlaşdığımız təəssüratı yaratmayaq, əksinə, biz artıq baş verənləri düzəldirik və zərər vermək istəmirik”, - deyə parlament sədri bildirib.
O vurğulayıb ki, mümkün sülh sazişi hələ də müzakirə olunur, lakin onun yekun formasının nə olacağı hələ bəlli deyil.
Turan İSMAYIL
Bizi Telegram-da izləyin...
