"Qərblilər Cənubi Qafqazda daha da fəallaşıblar" - Zaxarova
"Bu regionu sözün əsl mənasında əsas region, başqa bir region adlandırmaq olar ki, orada tərəflərin (Ermənistan və Azərbaycan -red.) Rusiya ilə birgə hazırladıqları sülh təşəbbüslərinin həyata keçiriləcəyinə hələ də ümid var".
Redaktor.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova "Sputnik"ə bildirib.
O, Qərbin Cənubi Qafqazdakı vəziyyətə soxulmaq cəhdlərini kobud adlandırıb. Onun fikrincə, belə bir siyasət münaqişənin həlli üçün deyil, “tam əks məqsədlərlə” aparılır.
"Təəssüf ki, biz uzun illərdir ki, burada belə bir tendensiya müşahidə edirik. İndi qərblilər daha da fəallaşıblar", - diplomat əlavə edib.
Rusiya Xarici İşlər Nazirliyinin rəsmi nümayəndəsi xatırladıb ki, Qərb tərəfdaşlarının iştirakı ilə münaqişənin həlli ilə bağlı uğurlu nümunələr yoxdur, eyni zamanda, “bir səbəbdən, kollektiv Qərbin təşəbbüsü ilə münaqişələrin sayı artır”.
"Heç kim deyə bilməyəcək ki, hardasa ayaq, əl və ya kollektiv Qərb düşüncəsi var idisə, o, daha yaxşı hala gəldi", - Zaxarova bildirib.
Qeyd edək ki, fevralın 28-də Rusiyanın xarici işlər naziri Sergey Lavrov Azərbaycanın xarici işlər naziri Ceyhun Bayramovla danışıqların yekunlarına dair mətbuat konfransı zamanı qeyd edib ki, Ermənistanda Avropa İttifaqı tərəfindən irəli sürülən qondarma mülki missiya onun legitimliyi baxımından bir çox suallar doğurur.
Turan İSMAYIL
Bizi Telegram-da izləyin...
