Putin Paşinyanla üçtərəfli razılaşmaların icrasını müzakirə etdi
Rusiya Prezidenti Vladimir Putin və Ermənistanın Baş naziri Nikol Paşinyan Rusiya, Ermənistan və Azərbaycan arasında üçtərəfli sazişlərin icrasını müzakirə ediblər.
Redaktor.az TASS-a istinadla xəbər verir ki, bu barədə bazar ertəsi Kremlin mətbuat xidməti məlumat yayıb.
“Rusiya, Ermənistan və Azərbaycan liderləri arasında 2020-2022-ci illər üçün məlum sazişlərin bütün spektrinin həyata keçirilməsinin praktiki aspektləri, o cümlədən Ermənistan-Azərbaycan sərhədində sabitliyin və təhlükəsizliyin təmin edilməsi, iqtisadi və nəqliyyat əlaqələrinin bərpası və Ermənistanla Azərbaycan arasında sülh müqaviləsinin hazırlanması ilə bağlı addımlar nəzərdən keçirilib" - açıqlamada deyilir.
Rusiya lideri tərəflər və Rusiya Federasiyası sülhməramlıları arasında sıx təmasda Qarabağla bağlı bütün yaranan məsələlərin konstruktiv həllinin vacibliyini vurğulayıb.
Turan İSMAYIL
Bizi Telegram-da izləyin...
