İrəvan Fransa missiyasını Laçın dəhlizinə göndərməyi müzakirə edir - Armen Qriqoryanla
"Ermənistan beynəlxalq tərəfdaşları ilə Laçın dəhlizinə və Dağlıq Qarabağa beynəlxalq sübut toplama missiyası göndərmək üçün intensiv işləyir".
Redaktor.az “Armenpress”ə istinadla bildirir ki, bunu Ermənistan Təhlükəsizlik Şurasının katibi Armen Qriqoryan jurnalistlərlə söhbətində deyib.
"Hazırda biz Fransadan Laçın dəhlizindəki vəziyyətin həllinə böyük maraq görürük. Eyni zamanda, Ermənistan beynəlxalq tərəfdaşları ilə Laçın dəhlizində və Dağlıq Qarabağda sübutların toplanması üçün beynəlxalq missiya göndərmək üçün intensiv işləyir. Bu məsələ Fransa ilə müzakirə olunur və biz dəstək alacağımızı gözləyirik”, - deyə Təhlükəsizlik Şurasının katibi vurğulayıb.
Onun sözlərinə görə, Fransa həm ölkənin təhlükəsizliyi ilə bağlı problemlərin həllində, həm də Qarabağ münaqişəsinin həllində ER üçün faydalı ola bilər. Bu kontekstdə o, Fransa prezidenti Emmanuel Makronun Ermənistanın baş naziri Nikol Paşinyan, Azərbaycan prezidenti İlham Əliyev və Aİ prezidenti Şarl Mişel ilə dördtərəfli görüşün təşkilində mühüm rol oynadığını və bunun ardınca Aİ-nin mülki missiyasının Ermənistana göndərildiyini xatırladıb.
"Fransa Ermənistana kömək etmək yollarını axtarmaqda davam edir və ATƏT-in Minsk qrupunun həmsədri kimi Dağlıq Qarabağ məsələsində maraqlı olmaqda davam edir, bunu ATƏT-in Minsk Qrupunun həmsədrinin Fransada olması sübut edir",- Qriqoryan qeyd edib.
Bundan əlavə, Təhlükəsizlik Şurasının katibi daha məhsuldar iş üçün Aİ-nin Ermənistandakı missiyasının genişləndirilməsinə ehtiyac olduğunu vurğulayıb.
“Biz bütün tərəfdaşlarımıza missiyanın daha yaxşı müşahidə apara bilməsi üçün missiyanın heyətini, eləcə də digər imkanları artırmağı təklif edirik”, - Qriqoryan bildirib.
Xatırladaq ki, fevralın 20-də Ermənistanda iki illik mandatla 100 nəfərdən ibarət yeni Avropa missiyası məskunlaşıb.
Missiyanın məqsədi Ermənistanın sərhədyanı ərazilərində sabitliyi təşviq etmək, yerlərdə etimad yaratmaq və Ermənistanla Azərbaycan arasında münasibətlərin normallaşdırılması səyləri üçün əlverişli mühiti təmin etməkdir.
Tunar Altunbay
Bizi Telegram-da izləyin...
