"Hadrut əvəzində Ağdamı geri qaytarmağı təklif etdim" - Paşinyan ilk dəfə necə təslim olduğunu AÇIQLADI
Ermənistan, Rusiya və Azərbaycan liderlərinin üçtərəfli bəyanatı üzrə danışıqlar 2020-ci il noyabrın 6-da başlayıb.
Redaktor.az "Sputnik Armenia"ya istinadla xəbər verir ki, bunu Ermənistanın Baş naziri Nikol Paşinyan 2020-ci il sentyabrın 27-də baş vermiş hərbi əməliyyatların şəraitinin araşdırılması üzrə parlament komissiyasının iclasında deyib.
Paşinyanın sözlərinə görə, o, bəyanatı imzalamağa razılaşıb, lakin bir şərtlə ki, orada Şuşa və Ermənistan ərazisindən keçən ekstraterritorial dəhlizlə bağlı müddəaların olmasın. Bundan başqa, o, Ermənistan tərəfinə Azərbaycanın nəzarətində olan Hadrut rayonunun müqabilində Ağdam rayonunu geri qaytarmağı təklif edib.
"Noyabrın 8-nə olan məlumata görə, hərbçilər şəhərin bir hissəsinin Ermənistan tərəfinin nəzarəti altında olduğunu bildirsələr də, onu tamamilə geri qaytarmağın qeyri-mümkün olduğu aydın idi", Paşinyan qeyd edib.
Bundan əlavə, Pasşinyan əlavə edib ki, Qarabağda Xankəndinin zəifliyi siqnalı verilirmiş və Şuşa məsələsini həll edən Azərbaycan qüvvələrinin Qarabağın müdafiəsinin müdafiə zonalarına zərbələr endirərək, Şuşa vasitəsilə Xankəndiyə və Əsgərana doğru hərəkət etməsi təhlükəsi yaranırdı.
Onun sözlərinə görə, o, Rusiya prezidentinin vasitəçiliyi ilə danışıqları davam etdirib və noyabrın 8-9-da onunla 20-yə yaxın, bütün müharibə boyu isə 60-a yaxın telefon danışığı olub.
Tez aydın oldu ki, Azərbaycan tərəfi Ağdamın Hadrutla dəyişdirilməsi planını qəbul etməyib və tərəflər Ağdam və Şuşa haqqında heç nə deməyən mətnə gəliblər. Hərbi əməliyyatların dayandırılması, 7 rayonun qaytarılması, Laçın dəhlizində və Qarabağda rus sülhməramlılarının yerləşdirilməsi barədə danışılıb.
"Noyabrın 9-u səhər mən bu sənədi imzaladım - qeyd edəcəm, səhər yox, axşam yox, yəni əslində noyabrın 8-dən 9-na keçən gecə. Amma məlum oldu ki, Azərbaycan imzalamır və daim yeni tələblər irəli sürür. Rusiya prezidenti Azərbaycanın Qazax bölgəsindəki anklavların qaytarılması ilə bağlı bənd təklif etdiyini deyəndə, mən bundan imtina etdim və rəsmən elan edilmiş belə bir sənədin imzalanmasını istisna etdiyimi vurğuladım.
Bir müddət sonra məlum oldu ki, bu bəndin götürülməsi ilə bağlı razılıq əldə olunub”, - Paşinyan bildirib.
Gecə yarısına yaxın hərbi əməliyyatların intensivliyinin artması, həmçinin Xankəndi səmasında çoxlu sayda pilotsuz təyyarələrin olması barədə xəbərlər gəlməyə başladı. Mürəkkəb və uzun sürən müzakirələrdən sonra Paşinyan əlavə edib ki, o, noyabrın 9-da səhər saatlarında olan versiyadan daha pis, lakin Meqri vasitəsilə dəhliz və ya Tavuş bölgəsindəki sovet anklavlarının köçürülməsini təklif edənlərdən daha yaxşı olan məlum sənədi imzalayıb.
Turan İSMAYIL
Bizi Telegram-da izləyin...
