"Belələri Azərbaycan torpağında olmamalıdırlar"
Azərbaycan Prezidentinin köməkçisi Hikmət Hacıyev bugünkü açıqlamasında bildirib ki, Qarabağdakı qanunsuz rejim ləğv edilməlidir və Azərbaycan öz ərazisində hər hansı bir boz zonanın olmasına heç zaman dözməyəcək.
Redaktor.az-ın məlumatına görə, Milli Məclisin deputatı Sahib Alıyev özünün feysbuk hesabında bildirib ki, Hikmət Hacıyevin bu açıqlaması əslində həm də dövlətimizin Araiyk Arutyunyanın Sergey Şaxramanyanla əvəzlənməsinə yanaşmasını ortaya qoyur.
"Yəni bu, o deməkdir ki, bizim üçün "miatsumçu"nun yaxşısı və pisi yoxdur. Belələri Azərbaycan torpağında olmamalıdırlar, vəssalam", - deyə siyasətçi bildirib.
T.İSMAYIL