"Sülhməramlıların Qarabağda sayılı günləri qalıb" - Ermənipərəst Zatulin
"Qarabağda Rusiya Federasiyasının sülhməramlı kontingentinin qoruyacağı heç kim yoxdur".
Redaktor.az xəbər verir ki, Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin “Qovorit Moskva” radiostansiyasına müsahibəsində bildirib.
O, Azərbaycanın hücumunun Rusiyanın mövqelərinə “zərbə vurduğunu” vurğulayıb. “Rusiya sülhməramlı kontingenti qarşısında faktiki olaraq həyata keçirilən Saakyan və Qukasyanın həbsi, məncə, təkcə Ermənistandakı xain hakimiyyətə deyil, həm də öz öhdəmizə götürdüyümüz funksiyaya qarşı çox ciddi qınaqdır.
Bəzi Rusiya rəsmiləri o qədər gedib çıxdılar ki, açıq şəkildə bəyan etdilər ki, ermənilərin Dağlıq Qarabağı tərk etməsində heç kim təqsirli bilinməməlidir - bu, onların fikrincə, könüllü hərəkətdir. Bu, Rusiyanı sülhməramlı kimi güzəştə gedən hədsiz bəyanatdır. Bütün ermənilərin Dağlıq Qarabağı tərk etməsi o deməkdir ki, bu məqama kimi onlar bizim sülhməramlı kontingentimizin onları qorumağa qadir olduğuna inanmağı dayandırıblar. Aydın məsələdir ki, hər halda bizim kontingentin Dağlıq Qarabağdakı günləri saylıdır, çünki orada heç kim qalmasa, sərt desək, kimi qoruyacaq? O, indi azərbaycanlıların rəsmi olaraq Xankəndi adlandırdığı Stepanakert şəhərində yol hərəkəti qaydalarına tabe olmayacaq. Sadəcə zaman məsələsidir və vaxt çox azdır. Azərbaycanın bölgədəki mövqelərimizə zərbə endirməsi nəticəsində məhz bu baş verdi”, - Zatulin bildirib.
T.İSMAYIL
Bizi Telegram-da izləyin...
