Seçkiqabağı təşviqat bu tarixdə BAŞLAYACAQ
Azərbaycanda gələn il keçiriləcək növbədənkənar prezident seçkilərində seçkiqabağı təşviqatın aparılmasına yanvarın 15-də start veriləcək.
Redaktor.az xəbər verir ki, təşviqat səsvermə gününə 23 gün qalmış başlanır və səsvermənin başlanmasına 24 saat qalmış dayandırılır.
Prezidentliyə namizəd, siyasi partiyanın, siyasi partiyalar blokunun səlahiyyətli nümayəndəsi 2023-cü il dekabrın 19-dan 2024-cü il yanvarın 8-i saat 18.00-dək zəruri olan seçki sənədlərinin Mərkəzi Seçki Komissiyasına təqdim etməlidir.
Qeyd edək ki, MSK-nın dekabrın 8-də keçirilən iclasında 2024-cü il fevralın 7-də seçkilərin təyin edilməsi haqqında qərar qəbul edildib. Qərar qəbul edildikdən sonra ən geci 2 gün müddətində (dekabrın 10-dək) dərc edilməlidir.
Bizi Telegram-da izləyin...
