Tokayev Putinlə görüşə “Aurus” əvəzinə “Mercedes”lə gəldi
Qazaxıstan prezidenti Kasım-Jomart Tokayev Müstəqil Dövlətlər Birliyinin (MDB) Sankt-Peterburqda keçirilən qeyri-rəsmi sammitinə Rusiyanın “Aurus”u əvəzinə “Mersedes”lə gəlib.
Redaktor.az xəbər verir ki, bu barədə Rusiya Teleqram kanallarında məlumat yayılıb.
Tokayev Rusiya prezidenti Vladimir Putinlə görüşün keçiriləcəyi Pavlovsk muzey-qoruğunda üzərində Qazaxıstan bayrağı olan qara “Mercedes”də görüntülənib.
Eyni zamanda onun həmkarları, o cümlədən Ermənistanın Baş naziri Nikol Paşinyan, Özbəkistan Prezidenti Şavkat Mirziyoyev, Qırğızıstan Respublikasının rəhbəri Sadır Japarov və Tacikistan Prezidenti Emoməli Rəhmon sammitə qara premium markalı "Aurus" avtomobillərində gəliblər. Türkmənistan Prezidenti Serdar Berdiməhəmmədov da oxşar markalı ağ avtomobildə gəlib.
Qeyd edək ki, dekabrın 25-də Belarus, Qazaxıstan və Ermənistan liderləri MDB dövlət başçılarının qeyri-rəsmi sammitinə gəliblər. Azərbaycan Prezidenti İlham Əliyev bu gün Sankt-Peterburqa gedib.
NƏRGİZ
Bizi Telegram-da izləyin...
