Belarus Qarabağda infrastrukturun modernləşdirilməsində iştirak edəcək
Belarusun Qarabağ infrastrukturunun tikintisi və modernləşdirilməsində iştirak edəcək.
Redaktor.az Rusiya mediasına istinadən xəbər verir ki, bu, Azərbaycan liderinin Belarus Prezidenti Aleksandr Lukaşenko ilə görüşündən sonra məlum olub.
Bundan əlavə, iki ölkə başçısı Belarus prezidentinin Azərbaycana gözlənilən səfərini müzakirə ediblər.
O da məlum olub ki, respublikaların hökumət nümayəndələri yaxın illərdə dövlətlərin birgə işi üçün tədbirlər planı hazırlayacaqlar. Bu, sənaye, kənd təsərrüfatı, tikinti və hərbi sənaye kompleksi sahələrinə aid olacaq.
İlham Əliyev Müstəqil Dövlətlər Birliyinə üzv ölkələrin dövlət başçılarının qeyri-rəsmi Zirvə görüşündə iştirak etmək üçün dekabrın 26-da Sankt-Peterburqa səfər edib. Bir gün əvvəl Belarus rəhbəri Aleksandr Lukaşenko Rusiyaya gəlib.
NƏRGİZ
Bizi Telegram-da izləyin...
