Papadan Azərbaycan və Ermənistana ÇAĞIRIŞ
Roma Papası Fransisk Cənubi Qafqazdakı vəziyyətdən narahatdır və Azərbaycan və Ermənistanı sülhə nail olmağa çağırır.
Redaktor.az "Sputnik"ə istinadla xəbər verir ki, o, bu barədə Vatikanda akkreditə olunmuş diplomatlara müraciət edərkən bildirib.
Pontifik həmçinin məcburi köçkünlərin geri qayıtmaq hüquqlarına hörmət edilməsinin, dini abidələrə və ziyarətgahlara hörmətin zəruriliyini qeyd edib.
Roma Papası Fransisk də Ukraynadakı münaqişəni danışıqlar yolu ilə dayandırmağa çağırıb.
"Milyonlarla insana zərər vuran bu münaqişənin uzanmasına icazə vermək olmaz; biz danışıqlar və beynəlxalq hüquqa hörmət yolu ilə davam edən faciəyə son qoymalıyıq", - pontifik bildirib.
Xatırladaq ki, Papa Milad mesajında və Urbi et Orbiyə xeyir-dua verərkən Ermənistan və Azərbaycan arasında sülh mövzusuna da toxunmuşdu. O, humanitar təşəbbüslərin davam etdirilməsi, qaçqınların öz evlərinə qanuni və təhlükəsiz şəkildə qayıtması, eləcə də dini ənənələrə qarşılıqlı hörmətin buna şərait yaradacağına əminliyini ifadə edib.
T.İSMAYIL
Bizi Telegram-da izləyin...
