Erməni deputat Zəngəzur dəhlizinin təhlükəsizliyini Ermənistanın təmin edəcəyini İDDİA EDİR
Ermənistan dəfələrlə kommunikasiyaların bloklanması məsələsində öz mövqeyini bildirib və bunun hansı prinsiplərə uyğun baş verməli olduğunu qeyd edib.
Redaktor.az verelq.am-a istinadən xəbər verir ki, bu barədə bu gün jurnalistlərlə söhbətində Ermənistanın hakim “Mülki müqavilə” partiyasının üzvü, Milli Assambleyanın Xarici Əlaqələr Komissiyasının rəhbəri Sarkis Xandanyan bildirib.
“Bu prinsiplərə kommunikasiyaların həyata keçirildiyi ölkələrin suverenliyinə və qanunlarına hörmət və qarşılıqlılıq daxildir. Bu prinsiplər müqavilədə öz əksini tapmalıdır və iyulda aparılan danışıqlar zamanı bu məsələlərlə bağlı şifahi razılıq (Azərbaycan tərəfdən) alınıb. Bundan sonra dəhliz məntiqi ilə bağlı bütün söhbətlər bizim üçün ən azı anlaşılmazdır”.
Xandanyan qeyd edib ki, əvvəllər elan etdiyi gömrük nəzarətinin sadələşdirilməsi bu prinsiplərə əsaslanmalıdır:
O vurğulayıb ki, ərazidən keçəcək yolların təhlükəsizliyi (Zəngəzur dəhlizi -red.) Ermənistanın müvafiq strukturları tərəfindən təmin ediləcək: “Rabitələrin blokdan çıxmasının Ermənistanın səlahiyyətləri və qanunvericiliyi çərçivəsində həyata keçiriləcəyi deyildikdə, bu o deməkdir ki, həm indi, həm də blokdan çıxarıldıqdan sonra ərazimizdən keçən yollarda təhlükəsizlik Ermənistanın müvafiq strukturları tərəfindən təmin olunacaq".
Bunun 9 noyabr 2020-ci il tarixli Üçtərəfli Bəyanatın 9-cu bəndinin tətbiq olunmayacağı anlamına gəlməsi ilə bağlı sualı şərh edən Xandanyan, yalnız erməni tərəfinin israr etdiyi kommunikasiyaların blokunun açılması prinsiplərini təkrarlayıb.
"Danışıqlar məhz bu məntiqlə aparılıb və aparılır", - o deyib. Deputatın sözlərinə görə, erməni tərəfi Azərbaycan tərəfinin kommunikasiyaların açılması prinsipləri ilə bağlı razılığını təsdiqləyəcəyini gözləyir və kommunikasiyaların açılmasının parametrləri artıq peşəkarlar və ekspertlər səviyyəsində işgüzar görüşlər çərçivəsində müəyyən ediləcək.
“Sadələşdirilmiş gömrük nəzarəti”nin nədən ibarət olduğunu soruşduqda, Xandanyan qeyd edib ki, bu, peşəkarlardan həllini tələb edən çox konkret məsələdir. O, nəzarət məsələsində informasiya texnologiyalarının imkanlarından istifadənin mümkünlüyünü istisna etməyib: "Burada təkcə gömrük nəzarəti deyil, həm də pasport və fitosanitar nəzarət vacibdir - digər sərhədləri keçməkdə olduğu kimi, bütün prosedurlara əməl edilməlidir", - deyə o bildirib.
NƏRGİZ
Bizi Telegram-da izləyin...
