"Sinəsindəki medalları kabinetdə deyil, səngərdə qazanan general Hikmət Mirzəyevdir" - Deputat
Xəbər verdiyimiz kimi, Xüsusi Təyinatlı Qüvvələrin (XTQ) komandanı general-leytenant Hikmət Mirzəyev müdafiə nazirinin müavini - Quru Qoşunlarının komandanı təyin edilib.
Redaktor.az xəbər verir ki, millət vəkili, prezidentliyə namizəd Zahid Oruc özünün feysbuk səhifəsində yeni təyinatla bağlı fikirlərini bildirib.
"Həmişə savaşlarımız olub deyə, qəhrəmanlarımız da var.
İkinci dünya müharibəsində dünyaya səs salan oğullarımızın sonrakı nəsli, müasir dövrün savaş qalibləri doğuldu və onlar da dünyaya qəhrəmanlıqları ilə səs saldılar.
Müasir dövrün qəhrəmanları artıq generallardır, fatehlərdir, müasir hərbi elitanı təşkil edən simalardan biri, haqq savaşının simalarından biri, rütbələrini və sinəsindəki medalları kabinetdə deyil, səngərdə qazanan general Hikmət Mirzəyevdir.
Yeni missiyan mübarək, cənab general! Əliniz titrəməsin, gözünüz daim iti olsun!", - deyə Z.Oruc generalı belə təbrik edib.
T.İSMAYIL
Bizi Telegram-da izləyin...
